Հարկային ստուգումներ՝ Ծառուկյանի կոնյակի գործարանում. «Ժողովուրդ»

«Ժողովուրդ»-ի լավատեղյակ աղբյուրների համաձայն՝ ՀՀ ֆինանսների նախարարության հարկային ծառայությունը դեռևս անցած տարվա դեկտեմբերից ստուգումներ է սկսել «Երևանի Արարատ կոնյակի-գինու-օղու կոմբինատ» ԲԲԸ-ում։ Այս կոմբինատը, ինչպես հայտնի է, պատկանում է ԲՀԿ առաջնորդ Գագիկ Ծառուկյանին:

Վերջինիս մամուլի քարտուղար Իվետա Տոնոյանը մեզ հետ զրույցում հաստատեց Ծառուկյանին պատկանող այդ կոմբինատում լայնածավալ ստուգումներ անցկացնելու փաստը, որոնք մինչ օրս շարունակվում են: Տեղեկացնենք, որ ՀՀ ֆինանսների նախարարության հարկային ծառայության հրապարակած 2014 թվականի հուլիսի 1-ից մինչև 2015 թվականի հուլիսի 1-ի պլանային ստուգումսերի ցանկում «Երևանի Արարատ կոնյակի-գինու-օղու կոմբինատ» ԲԲԸ-ն նշված չէ: Այսինքն՝ կարելի է ասել, որ այդ ստուգումները պլանային չեն, արտահերթ են»,–գրում է թերթը։

Մանրամասները՝ թերթի այսօրվա համարում։