Որսի ժամանակ անզգուշությամբ ինքն իրեն հրազենային վնասված է պատճառել ու մահացել

Հունվարի 18-ին` ժամը 15.45-ին, հիվանդանոցից ոստիկանության Թումանյանի բաժնում հաղորդում է ստացվել, որ որովայնի թափանցող հրազենային վերքով իրենց մոտ է ընդունվել 1978 թ. ծնված Ռոման Հովհաննիսյանը, որը ժամը 15.00-ին հիվանդանոցի ընդունարանում մահացել է:

Մեկնած օպերատիվ խմբին հայտնել են, որ Ռ. Հովհաննիսյանը վնասվածքն ստացել է նույն օրը` ժամը 13.00-ի սահմաններում, «Ղաչաղանի ձոր» կոչվող հանդամասում որս կատարելու ժամանակ՝ իրեն պատկանող, 16 մմ տրամաչափի երկփողանի որսորդական հրացանի հետ անզգույշ վարվելու հետևանքով առաջացած կրակոցից:

Հրացանն առգրավված է: Նշանակվել են դատաբժշկական և դատաձգաբանական փորձաքննություններ: Կատարվում է քննություն: