Հերթական եղեռնին պատրաստ չէինք, այն էլ` եղբայրական ազգի ներկայացուցչի կողմից

Տեղեկացրել ենք, որ Գյումրիի Սբ Նշան եկեղեցում այժմ տեղի է ունենում 6 անմեղ զոհերի հոգեհանգստի արարողությունը: Արարողությունն անցկացնող` Շիրակի թեմի առաջնորդ Տ. Միքայել եպիսկոպոս Աջապահյանը նշեց, որ մենք հերթական եղեռնին պատրաստ չէինք, այն էլ` եղբայրական ազգի ներկայացուցչի կողմից:

«Գյումրին պետք է պատասխան պահանջի ՌԴ-ից: Գյումրեցին չի վախեցել պարսիկից, թուրքից, ռուսից էլ չի վախենում, այլ պատասխան է պահանջում: Կոչ ենք անում սթափության և հավասարակշռության, մենք սթափ ժողովուրդ ենք, հիմարությանը հիմարությամբ չենք պատասխանում: Մենք հեղափոխություն, արյունահեղություն չենք ուզում, ընդամենը պատասխան ենք ուզում»,-ասաց Միքայել եպիսկոպոս Աջապահյանը:

Հոգևոր հոր խոսքով` պետք է ուշադիր լինել, չներքաշվել դավերի մեջ, սադրանքներին չտրվել, մնալ հավասարակշիռ, բայց, միաժամանակ, լինել պահանջատեր: «Մենք արժանի չէին նման փորձությանը, բայց կյանքն այսպիսին է: Մնում է միայն պատասխան պահանջել»,- ասաց նա: