Պարզվել է Շենգավիթում ինքնասպան եղած աղջկա ինքնությունը. կախվել է գազի խողովակից

Արդեն հայտնել ենք, որ երեկ երեկոյան ինքնասպանության դեպք է գրանցվել Երևանում: Yerkir.am-ի տեղեկություններով` դեպքը տեղի է ունեցել Բագրատունյաց պողոտայի բազմահարկ շենքերից մեկի 9-րդ հարկի բաց պատշգամբում: Ինքնասպանություն գործողը նույն շենքի 29-ամյա բնակչուհի Լ. Հակոբյանն է: Նրան հայտնաբերել են ժամը 21: 00-ի սահմաններում ` գազի խողովակից կախված:

ՀՀ քննչական կոմիտեից yerkir.am-ը տեղեկացավ, որ  դեպքի առթիվ Շենգավիթ վարչական շրջանի քննչական բաժնում նախապատրաստվում են նյութեր: Կատարվել է դեպքի վայրի զննություն, նշանակվել է դիակի դատաբժշկական փորձաքննություն, հանձնարարություններ են տրվել Շենգավիթի ոստիկանության բաժնին` պարզելու ինքնասպանություն գործելու պատճառները: