«Գազպրոմ»-ը չի շտապում կատարել «Հարավային հոսք» նախագծի դադարեցման մասին որոշումը. Ведомости

«Գազպրոմ»-ը չի շտապում կատարել «Հարավային հոսք» նախագծի դադարեցման մասին որոշումը: Գազատարի նախագծի հետ կապված` «Գազպրոմ»-ը պաշտոնապես դադարեցրել է աշխատանքը միայն իտալական Saipem ընկերության հետ. տեղեկացնում է «Ведомости»-ն:

«Դեռևս կարող ենք հաստատել միայն Castoro Sei նավի աշխատանքի դադարեցումը»,- նշել է South Stream Transport B.V կոնսորցիումի ներկայացուցիչը:

ՌԴ նախագահ Վլադիմիր Պուտինը դեկտեմբերի 1-ին Անկարայում  հայտարարել էր, որ Ռուսաստանը ԵՄ-ի ոչ կառուցողական դիրքորոշման պայմաններում  այլևս չի կարող շարունակել «Հարավային հոսք»-ի իրագործումը: Սակայն, ըստ  Ведомости-ի` ՌԴ Էներգետիկայի նախարարությանը մոտ կանգնած աղբյուրների, նախագծի անդամ երկրների հետ միջազգային համաձայնագրերը չեղյալ համարելու  հրահանգ չի տրվել: