Կաթնամթերքը մինչեւ 50 դրամով թանկացել է

«Աշտարակ կաթ» ընկերությունը թանկացրել է իր կաթնամթերքը 7-10 տոկոսով: Ընկերության արտադրած մածունը, թթվասերը, կաթնաշոռը թանկացել են միանգամից 10-50 դրամով: Ամենաշատը թանկացել է ընկերության արտադրության մածունը` միանգամից 50 դրամով: Գնային փոփոխության չի ենթարկվել միայն ընկերության արտադրած կաթը:

Մյուս արտադրողների մոտ դեռևս թանկացումներ չեն նկատվում, սակայն այս դեպքում «Աշտարակ կաթ»-ն իր գործընկերների համար կարող է վատ օրինակ ծառայել: Թանկացման պատճառների վերաբերյալ Yerkir.am ը կփորձի պարզաբանում ստանալ ընկերությունից: Նշենք նաև, որ վերջին շրջանում սա առաջին թանկացումը չէ: Նոր տարվա շեմին արդեն հասցրել են թանկանալ ձուն, միսը, շաքարավազն ու ընկույզը: