Հայաստանի առաջնություն. «Փյունիկ»-ը հաղթեց «Բանանց»-ին

Այսօր տեղի ունեցան Ֆուտբոլի Հայաստանի Բարձրագույն խմբի առաջնության 5-րդ տուրի հետաձգված 2 հանդիպումները:

«Բանանց»-ը սեփական հարկի տակ 2:3 հաշվով պարտվեց «Փյունիկ»-ին: 24-րդ րոպեին Կարեն Հարությունյանը առաջ մղեց տանտերերին: 2 րոպե անց Սեզար Ռոմերոն հավասարեցրեց հաշիվը: 72-րդ րոպեին Կամո Հովհաննիսյանն առաջ մղեց հյուրերին, իսկ 6 րոպե անց Սեզար Ռոմերոն, դառնալով դուբլի հեղինակ, հաշիվը դարձրեց 1:3: Հիմնական ժամանակի վերջին րոպեին Գևորգ Նռանյանը հաշվի տարբերությունը հասցրեց նվազագույնի: «Բանանց»-«Փյունիկ»` 2:3:

Զուգահեռաբար ընթացող խաղում «Շիրակ»-ը սեփական հարկի տակ նվազագույն հաշվով հաղթեց «Գանձասար»-ին: Հանդիպման միակ գոլը խփեց Դավիթ Հակոբյանը` 29-րդ րոպեին: