Կրկնվող գողություններ` Գեղարքունիքի մարզում. «Ժողովուրդ»

«Վերջին ամիսներին գողության կրկնվող դեպքեր են արձանագրվել Գեղարքունիքի մարզի Վարդենիս քաղաքում, ինչպես նաև՝ Արծվանիստ համայնքում: Գողությունները կատարվել են մթերային խանութներից:

Ըստ «Ժողովուրդ»-ին հասած տեղեկությունների՝ հուլիսի 25-ին Արծվանսիտ գյուղում գտնվող մթերային խանութը գրեթե ամբողջությամբ թալանել էին, ինչի հետևանքով խանութի սեփականատերը ստիպված էր եղել շուրջ մեկ ամիս խանութը փակել: Օրերս գողության կասկածանքով ձերբակալվել է գյուղի բնակիչ Արման Ստանբուլցյանը: Իսկ, ահա, նոյեմբերի 1-ին հանցագործներն ամբողջությամբ թալանել են Վարդենիս քաղաքի մթերային խանութներից մեկը:

Ըստ Վարդենիսում շրջանառվող լուրերի՝ գողության կասկածանքով բերման է ենթարկել Արգիշտի Բուդոյանը, որն աշխատում է Սոթքի ոսկու հանքում որպես մեխանիզատոր: Ոստիկանության հասարակայնության հետ կապերի և լրատվության վարչությունից հաստատեցի տեղեկությունները՝ նշելով, որ քննություն է ընթանում»,- գրում է թերթը։

Մանրամասները՝ թերթի այսօրվա համարում։