«Օրենքով» գող Զապին տեղափոխեցին «Նուբարաշեն» ՔԿՀ. տեսանյութ

Քիչ առաջ Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Էդիկ Ավետիսյանը դուրս եկավ խորհրդակցական սենյակից և հրապարակեց «օրենքով» գող Զապի խափանման միջոցի ընտրության վերաբերյալ որոշումը: Դատավորը մերժեց փաստաբան Մարտիրոսյանի` Զապին գրավի դիմաց ազատ արձակելու որոշումն ու նրա նկատմամբ մեկամսյա կալանավորման որոշում կայացրեց:

Yerkir.am-ի լրագրողի հաղորդմամբ`դատարանից օրենքով գողին դուրս բերեցին ոստիկանության քրեական հետախուզության աշխատակիցները: Նրան դատարանի հետնամուտքից նստեցրեցին 024 ՈU 01 համարանիշով մեքենան և տեղափոխեցին «Նուբարաշեն» ՔԿՀ: Նրանց հետևից սրընթաց սլացավ «գողի» համախոհների շարասյունը`  Ա. Սողոյանի ընկերները, ինչպես նաև հանցագործ աշխարհի քրեական հեղինակություններ: