Թուրք լրագրողներն այցելել են Հայոց ցեղասպանության թանգարան-ինստիտուտ

«Գանձասար»-ի ֆեյսբուքյան էջը տեղեկացնում է, որ «Եվրասիա» համագործակցության հիմնադրամի «Media Bus Tour» ծրագրի շրջանակներում Հայաստան այցելած թուրք լրագրողներն այցելել են Հայոց ցեղասպանության թանգարան-ինստիտուտ:

Նրանք եղել են Հայոց ցեղասպանության թանգարանի ժամանակավոր ցուցադրությունների սրահում, ծանոթացել Հայոց ցեղասպանությանը վերաբերող փաստաթղթերին և տեղեկություններին:

Այնուհետև հայ և թուրք լրագրողները հանդիպում և ակտիվ քննարկում են ունեցել Հայոց ցեղասպանության թանգարան-ինստիտուտի տնօրեն, Հայոց ցեղասպանության 100-րդ տարելիցի միջոցառումները համակարգող պետական հանձնաժողովի քարտուղար Հայկ Դեմոյանի հետ: