Խաչատուր Մարոզյանը մեղադրվում է խարդախության մեջ

Իրավաբանական օգնություն ցուցաբերելու նպատակով վերցված գումարները անձնական կարիքների համար ծախսելու մեղադրանքով ամբաստանյալի աթոռին է հայտնվել «Իրավաբանների և հոգեբանների միջազգային ասոցացիա» ՀԿ նախագահ Խաչատուր Մարոզյանը:

Համաձայն մեղադրականի` նա  քաղաքացի Սվետլանա Թորոսյանի և նրա քրոջ` Ծովինար Սիմոնյանի վերաբերյալ ՌԴ Սուրգուտ քաղաքի դատարանի կողմից կայացված ամուսնալուծության վճռի հիմնավորումները ստանալու, դրանք բողոքարկելու պատրվակով 2013թ. մարտից մինչև մայիս ընկած ժամանակահատվածում մաս-մաս վերցրել է 1.640.000 դրամին համարժեք 4000 դոլար և ծախսել իր անձնական կարիքների համար:

Գործը քննվելու է Ավան և Նոր Նորք վարչական շրջանների ընդհանուր իրավասության դատարանում` դատավոր Արմեն Վարդապետյանի նախագահությամբ: Դատական նիստ դեռևս չի նշանակվել: