Պուտինի դուստրը հեռացել է Հոլանդիայից` հասարակության զայրույթից դրդված

Ռուսաստանի նախագահ Վլադիմիր Պուտինի դուստրը՝ 29-ամյա Մարիան, զուգընկերոջ` 34-ամյա Յորիթ Ֆաազենի հետ լքել է հոլանդական Վորսհոտեն քաղաքում գտնվող՝ 2 միլիոն ֆունտ ստերլինգ արժողությամբ տունը: Պատճառը Դոնեցկի շրջանում մալայզիական օդանավի կործանման պատճառով հասարակությունում աճող զայրույթն է: Այս մասին գրում է բրիտանական Mirror-ը:

Մարիա Պուտինան ապրում էր ընդամենը 20 կիլոմետր հեռու այն օդանավակայանից, որտեղից մեկնել էր Ամստերդամ- Կուալա Լումպուր չվերթն իրականացնող կործանված ինքնաթիռը: Եվ այս տեղեկությունը, որ Պուտինի դուստրն ապրում է Հոլանդիայում, ավելի է բորբոքել հասարակության զայրույթը:

Սակայն նշվում է, որ բնակիչներից մեկը պատմել է, թե Պուտինի դստերը չեն տեսել դեռևս այն օրվանից, երբ կործանվել է ինքնաթիռը:

Մարիա Պուտինայի՝ Հոլանդիայում գտնվելն առավել վտանգավոր դարձավ այն բանից հետո, երբ ուկրաինացի ակտիվիստները հրապարկեցին նրա՝ Հոլանդիայի հասցեն: Կան տեղեկություններ, որ հավանական է` զույգը վերադարձել է Մոսկվա: