Ապօրինի գաղտնալսման կասկածանքով 55 թուրք ոստիկան է ձերբակալվել

Հուլիսի 21-ի գիշերը  Թուրքիայում կատարված լայնածավալ գործողության ընթացքում ձերբակալվել է 55 ոստիկան, որոնց թվում՝ նաև անվտանգության շրջանային վարչությունների բաժինների ղեկավարներ: Այս մասին հայտնում CNNturk-ը:

Ոստիկանությունը գործողությունն անցկացրել է Թուրքիայի 25 շրջաններում` երկու փուլով:

Գործողության պատճառը եղել է այն, որ իբր ոստիկանները ապօրինի գաղտնալսել են կառավարության անդամների հեռախոսազրույցները: Ըստ տեղեկությունների` գաղտնալսմամբ զբաղվել են ոստիկանության ներսում գործող «Սելյամ Թաուհիդ» գաղտնի կազմակերպության անդամները:

Ձերբակալվածները կասկածվում են անձնական կյանքի, քննության գաղտնիությունը և անձնական ունեցվածքի անձեռնմխելիությունը խախտելու, ինչպես նաև պաշտոնական փաստաթղթեր և ապացույցներ կեղծելու մեջ: