Հազարավոր քրիստոնյաներ շարունակում են հեռանել Իրաքից

Իրաքի Մոսուլ քաղաքին հարակից ավաններում բնակվող հազարավոր քրիստոնյաներ ստիպված են հեռանալ: Նրանք մտավախություն ունեն, որ սուննի ապստամբները կարող են հարձակվել: Այս մասին հայտնում է BBC-ն:

Իրաքի քրիստոնեական համայնքի ղեկավարների տվյալներով` «Իրաքի և Լևանտի իսլամական պետություն» խմբավորման ջիհադիստները հարձակվել են երկրի հյուսիսում գտնվող, քրիստոնյաներով բնակեցված երկու մեծ ավանի` Կարակոշի և Ղարամլաիշի վրա:

Այս ավաններից փախուստի դիմած քրիստոնյաները ժամանակավոր ապաստանել են հարևան քրդական ինքնավարության տարածքում, որի վրա ջիհադիստները մինչ այժմ չեն հարձակվել:

Հիշեցնենք, որ Իրաքում ռազմական գործողությունների սկսվելուց հետո բազմաթիվ հայեր են ստիպված եղել հեռանալ: