Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
SHAMSHYAN.com-ը հայտնում է, որ քիչ առաջ ավտովթար է տեղի ունեցել Տավուշի մարզում: Քաղաքացիներն ահազանգել են ՀՀ արտակարգ իրավիճակների նախարարության փրկարար ծառայության և ճանապարհային ոստիկանության օպերատիվ կառավարման կենտրոններ և հայտնել, որ Բերդ քաղաքից դեպի Մեհրաբ տանող ճանապարհին գտնվող Արծվաբերդ գյուղի տարածքում մարդատար «ԳԱԶել»-ն ընկել է ձորը, ինչի հետևանքով հրդեհ է բռնկվել:
Ֆոտոլրագրող Գագիկ Շամշյանը հայտնում է, որ արդեն դեպքի վայր է ժամանում Տավուշի մարզի հրշեջ-փրկարարական 2 մարտական հաշվարկ: Դեպքի վայր են ժամանում նաև շտապօգնության բրիգադներ, քանի որ ահազանգողները տեղեկացրել են, որ, իրենց կարծիքով, մեքենան զինվորներ է տեղափոխելիս եղել:
Ժամանում են նաև ոստիկանության Իջևանի բաժնի օպերատիվ քննչական խմբերը: Եթե պարզվի, որ մեքենայում եղել են զինվորներ, ապա դեպքի վայր կժամանեն նաև տեղի ռազմական ոստիկանության աշխատակիցները: