Մարմնավաճառները հարկադրել են ոստիկաններին փախչել ոստիկանության բաժնից

Համաձայն մեղադրականի` չորսն էլ, ածելիներով սպառնալով, հարկադրել են ոստիկաններ Ա.Ն.-ին և  Բ.Ա.-ին փախչել ոստիկանության բաժանմունքից: Երեք ամբաստանյալներին մեղադրանք է առաջադրվել Քրեական օրենսգրքի 316-րդ հոդվածի առաջին մասի հատկանիշներով` իշխանության ներկայացուցի հանդեպ ոչ վտանագավոր բռնություն գործադրելը: Այս դեպքում պատիժ է սահմանվում 300-500 հազար դրամի տուգանքից մինչև հինգ տարվա ազատազրկում:

Մեղադրյալներից 19-ամյա Նունեին մեղադրանք է առաջադրվել նույն հոդվածի երկրորդ մասով, այսինքն` կյանքի և առողջության համար վտանգավոր բռնություն գործադրելը: Այս դեպքում պատիժ է սահմանվում 5-10 տարվա ազատազրկում: Համաձայն մեղադրականի` Նունեն ոստիկան Ա.Ն-ի դաստակը վնասել է ածելիով` առողջությանը միջին ծանրության վնաս հասցնելով:

Գործքը քննվում է Շենգավիթ վարչական շրջանի ընդհանուր իրավասության դատարանում` դատավոր Ալեքսանդր Ազարյանի նախագահությամբ: Այսօրվա նիստում բոլոր ամբաստանյալները միջնորդեցին դատավարությունն անցկացնել արագացված կարգով: Այսինքն` նրանք ընդունում են իրենց մեղքը: Եվ այս դեպքում դատարանը միայն մեղադրական դատավճիռ կարող է ընդունել: Եվ պատիժ կարող է սահմանել օրենքով սահմանված առավելագույն պատժի 2/3-ը չգերազանցող չափով:

Դատարան չէր ներկայացել տուժող ոստիկանը: Թեեև դատարանը կաշկանդված չէ նրա կարծիքը հաշվի առնել միջնորդությունը բավարարելու հարցում, այնուամենայնիվ, պարտավոր է լսել նրան: Այս իսկ պատճառով դատական նիստը հետաձգվեց: Մյուս նիստին միջնորդության վերաբերյալ դատախազի և տուժողի դիրքորոշումները լսելուց հետո դատարանը կքննի միջնորդությունը: