ԱԱ-2014. Ուրուգվայի հավաքականը մեկնարկում է պարտությամբ

Մունդիալ 2014. D խումբ: Խմբի առաջին խաղում Ուրուգվայի ընտրանին մրցեց Կոստա Ռիկայի հավաքականի հետ: Հանդիպման 24-րդ րոպեին Կավանին 11 մետրանոց հարվածով առաջ մղեց ուրուգվայցիներին: Թիմերն ընդմիջման գնացին այս հաշվով, սակայն 2-րդ խաղակեսում Կոստա Ռիկայի ֆուտբոլիստները կարողացան խաղային առավելությունն ամբողջությամբ թեքել իրենց կողմը: Նախ՝ 54-րդ րոպեին Կամպբելը հավասարեցրեց հաշիվը, որից 3 րոպե անց Դուարտեն հաշիվը դարձրեց 2:1: Խաղավերջում կոստառիկացիները նաև 3-րդ գնդակն ուղարկեցին ուրուգվայցիների դարպասը: 84-րդ րոպեին աչքի ընկավ Ուրենան:  D խմբի մյուս հանդիպումը կմեկնարկի մոտ 1 ժամից՝  Երևանի ժամանակով 02:00-ին, կմրցեն Անգլիայի և Իտալիայի հավաքականները: