Արևմուտքը Սիրիայում ռազմական միջամտության համար պայմաններ է ստեղծում. Լավրով

Արևմուտքը շարունակում է Սիրիայի վրա ճնշում գործադրել՝  ռազմական միջամտության համար հիմքեր ստեղծելով: Այդ մասին հայտարարել է ՌԴ ԱԳՆ ղեկավար  Սերգեյ Լավրովը. հայտնում է Газета.Ru-ն:

«Արևմտյան գործընկերները Ժնևում հանդիպումների ժամանակ հիմնական ուշադրությունը կենտրոնացնում են սիրիական վարչակարգին ավելի ակտիվ ճնշելու, նոր պատժամիջոցներ կիրառելու պահանջների վրա` նպաստելով ոչ թե իրավիճակի մեղմացմանը, այլ լարվածության սրմանը, և ձգտում են պայմաններ ստեղծել արտաքին միջամտության համար»,- ընդգծել է նա:

Միևնույն ժամանակ, Լավրովը հավելել է, որ ՄԱԿ-ի գործունեության շրջանակներում Ժնևում ձևավորվել են աշխատանքային խմբեր, որոնք զբաղվում են Սիրիայի հումանիտար հարցերով։