Հրահրիչ և ծայրահեղական. ԱՄՆ պետդեպի գնահատականը` Ալիևի հայտարարությանը

ԱՄՆ պետքարտուղարության խոսնակ Ջեյն Փսաքին պատասխանել է «Ամերիկայի ձայնի» հայկական ծառայության այն հարցին, թե ինչպիսի՞ն է Միացյալ Նահանգների արտգործնախարարության արձագանքը Ադրբեջանի նախագահ Իլհամ Ալիևի կողմից այս երկրի անկախության օրն արված այն հայտարարությանը, որով նա «խավար ապագա» է խոստացել Հայաստանին և սպառնալիքներ հնչեցրել ՀՀ-ի և ԼՂ-ի հասցեին:

Ջեյն Փսաքին շեշտել է, որ հրահրիչ և ծայրահեղական հայտարարությունները հակասում են Միացյալ Նահանգների սկզբունքներին, ավելացնում են լարվածությունը տարածաշրջանում և վնաս են հասցնում խաղաղ գործընթացին:

«Որպես ԵԱՀԿ-ի Մինսկի խմբի համանախագահ` վերահաստատում ենք Լեռնային Ղարաբաղի հակամարտության խաղաղ լուծման գործում կողմերին օգնություն ցուցաբերելու մեր հանձնառությունը»,- ասել է Ջեյն Փսաքին:

Ավելի մանրամասն` սկզբնաղբյուր կայքում: