Ընտրություններն Ուկրաինային բերեցին մահ ու տառապանք. Յանուկովիչ

Մայիսի 25-ին Ուկրաինայում անցկացված նախագահական ընտրությունները ժողովրդին բերեցին միայն մահ ու տառապանք` կայունության ու խաղաղության փոխարեն: Այս մասին ասվում է Ուկրաինայի նախկին նախագահ Վիկտոր Յանուկովիչի հայտարարության մեջ:

Յանուկովիչի կարծիքով` արտահերթ ընտրություններից և նորընտիր նախագահից մարդիկ սպասում էին առաջին հերթին խաղաղություն, քանի որ ժողովուրդը հոգնել է «իսկական պատերազմի վերածված դիմադրությունից»:

«Եվ ահա վերջապես կատարվեց: Ուկրաինայի նախագահն ընտրվեց: Եվ ի՜նչ զարմանք էր, ավելի ճիշտ` շոկ: Խաղաղության և կայունության փոխարեն` արյունոտ կռիվ»,- Յանուկովիչի հայտարարությունն է մեջբերում ИТАР-ТАСС-ը: