Դմբո բաներ են. Վլադիմիր Գասպարյանի արձագանքն իր պաշտոնանկության մասին լուրերին

«Դմբո բաները, որ գցում են շրջանառության մեջ, խորհուրդ եմ տալիս այդ դմբոյությանը չհետևել»,- լրագրողների հետ զրույցում այսպես արձագանքեց ոստիկանապետ Վլադիմիր Գասպարյանն իր պաշտոնանկության մասին շրջանառվող լուրերին:

Գործող ոստիկանապետը չցանկացավ խոսել նախկին ոստիկանապետի մասին: Լրագրողների այն դիտարկմանը, որ Ալիկ Սարգսյանն ասել է, որ չեն հանդիպում, Գասպարյանն արձագանքեց. «Ինքը հիմա շատ ազատ ժամանակ ունի, իսկ ես շատ զբաղված եմ»:

Ի դեպ, Վլադիմիր Գասպարյանը հայտարարեց, որ հիմա էլ մի քիչ ակտիվացրել են կրիմինալի դեմ պայքարը, քանի որ քաղաքական դաշտը մի քիչ հանդարտվել է: Թաղային հեղինակությունների դեմ պայքարը, ըստ Գասպարյանի, տարվելու է օրինականության շրջանակներում: