Ռեմի Ժընիեն և Միշել Պետրոսյանը` Հայաստանում

Մայիսի 30-ին Արամ Խաչատրյան համերգասրահում տեղի կունենա սիմֆոնիկ համերգ` Բելգիայի Եղիսաբեթ թագուհու անվան միջազգային մրցույթի 2013թ. երկրորդ մրցանակակիր, ֆրանսիացի անվանի դաշնակահար Ռեմի Ժընիեի մենակատարությամբ: Համերգը կազմակերպել են Հայաստանի պետական ֆիլհարմոնիկ նվագախումբը (գեղարվեստական ղեկավար և գլխավոր դիրիժոր Էդուարդ Թոփչյան) և ՀՀ-ում Ֆրանսիայի դեսպանությունը:

Համերգին Հայաստանում առաջին անգամ կհնչի վերոհիշյալ մրցույթի 2012-ի առաջին մրցանակակիր, ֆրանսահայ կոմպոզիտոր Միշել Պետրոսյանի դաշնամուրի և սիմֆոնիկ նվագախմբի համար գրված «Էայի ջրահետքերով» ստեղծագործությունը:

Համերգին կհնչի նաև Բեթհովենի թիվ 1 սիմֆոնիան. Համերգը կավարտվի Մոցարտի` Դաշնամուրի թիվ 20 կոնցերտի կատարմամբ: Իսկ «Էայի ջրահետքերով» ստեղծագործությունն արտացոլում է Հին Արևելքի մշակույթի նկատմամբ կոմպոզիտորի հետաքրքրությունը, գործը նվիրված է կոմպոզիտորի հոր՝ Անդրանիկ Պետրոսյանի հիշատակին: