Ոստիկանապետի և ըմբշամարտիկի ընդհարման առթիվ քրեական գործ չի հարուցվել

Շիրակի ոստիկանապետ Վարդան Նադարյանի  և ըմբշամարտի Եվրոպայի եռակի չեմպիոն Արթուր Ալեքսանյանի միջև տեղի ունեցած բախման մասին հրապարակումների հիման վրա Հատուկ քննչական ծառայությունը նյութեր է նախապատարստում: Այս մասին հայտարարվել էր օրեր առաջ:

Yerkir.am-ին ՀՔԾ մամուլի պատասխանտու Միքայել Ահարոնյանը հայտնեց, որ այս գործով դեռևս նորություններ չկան, քրեական գործ չի հարուցվել, նյութերի նախապատրաստումը շարունակվում է:

Նա հրաժարվեց որևէ տեղեկություն հայտնել նաև այն մասին, թե արդյո՞ք կողմերից որևէ մեկը կանչվել է ՀՔԾ, հարցաքննվել: Այնինչ` երեկ «Գալա» ՀԸ-ին ոստիկնապետ Վ. Նադարյանը հայտնել է, որ բացատրություն է տվել ՀՔԾ-ում, և սպասվում է, որ կրկին պետք է կանչեն:

Մ. Ահարոնյանը կտրականապես մերժեց որևէ ինֆորմացիա տալ` բացատրելով, որ կա «անձի անմեղության կանխավարկած»: