|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
ՀՀ փոխվարչապետ, տարածքային կառավարման նախարար Արմեն Գևորգյանը «Արմենպրես»-ի հետ զրույցում հայտարարել է, որ կառավարությունը 50 տոկոսով կփոխհատուցի մարտի վերջին ցրտահարության արդյունքում տուժած գյուղացիական տնտեսությունների ոռոգման ջրի, իսկ 100 տոկոսով` հողի հարկի հետ կապված ծախսերը:
Գևորգյանը նշել է, որ ՀՀ նախագահի հանձնարարականի համաձայն՝ կառավարությունը ծավալուն աշխատանք է կատարել և գույքագրել բնության տարերքի առաջացրած խնդիրներն ու պատճառած վնասները, ինչպես նաև իրականացրել է մի շարք միջոցառումներ՝ առաջնահերթ կարգով խնդիրը կարգավորելու և հասցված վնասները մեղմելու համար:
Փոխվարչապետն ընդգծել է, որ այս պահին ամենաառանցքային հարցը գյուղացիական տնտեսությունների համար բանկերի նկատմամբ ստանձնած պարտավորություններն ու վարկերի հետագա մարման կապակցությամբ առաջացող հնարավոր խնդիրների լուծումն է: