Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այս հայտարարությունն ԱԺ ՀԱԿ խմբակցության պատգամավորն արել է «Ազատություն» ռադիոկայանի ֆեյսբուքյան ասուլիսի ընթացքում` այսօր: Նիկոլ Փաշինյանը, պատասխանելով օգտատերերից մեկին հարցին, նշել է, թե նախագահի թեկնածու առաջադրվելը չի դիտարկում որպես ինքնանպատակ:
«Քաղաքական գործունեությամբ ես զբաղվում եմ «Քաղաքացիական պայմանագրի» շրջանակներում եւ չեմ բացառում, որ կարող եմ առաջադրվել նախագահի թեկնածու, պատգամավորի թեկնածու, բայց չեմ էլ պնդում, որ այդպես էլ լինելու է: Մենք փոփոխություններ ենք ուզում անել քաղաքական գործունեության տրամաբանության մեջ: Նախագահի թեկնածուն պետք է դիտարկենք ոչ թե որպես անհատ, այլ որոշակի ինստիտուցիոնալ գործընթացների արդյունքում ձեւավորված կարգավիճակ: Նախագահական ընտրություններին չեմ առաջադրվի` միայն առաջադրվելու համար: Դա կլինի այն պարագայում, եթե տեսնեմ, որ դրանով լրջորեն նպաստելու ենք եւ ՀՀ քաղաքացուն բերելու ենք կոնկրետ հաղթանակների: Այսինքն` ոչ միայն խոստանալու ենք հաղթանակներ, այլեւ ՀՀ քաղաքացին մեր հարուցած պրոցեսների արդյունքում իրեն հաղթանակած է զգալու»,- ասել է Փաշինյանը:
Հաջորդ հարցին` եթե լիներ նախագահ, ո ՞ր խնդիրն առաջնահերթ կլուծեր, նա պատասխանել է. «Կարծում եմ՝ հանրապետության նախագահը չպետք է մի հարցի վրա կենտրոնանա, հանրապետության նախագահը պետք է երկրի ծառացած բոլոր հարցերով անի կոնկրետ գործողություններ»: