Դոկու Ումարովը մահացած է, Վոլգոգրադի և Պյատիգորսկի ահաբեկչությունները՝ բացահայտված

ՌԴ Անվտանգության դաշնային ծառայության ղեկավար Ալեքսանդր Բորտնիկովը հայտարարել է, որ ապօրինի զինված խմբավորման պարագլուխ Դոկու Ումարովի գործունեությունը չեզոքացված է. գրում է Russia Today-ը:

2014-ի հունվարին Ումարովի  մահվան մասին հայտնել էր Չեչնիայի նախագահ Ռամզան Կադիրովը:  Սակայն ՌԴ կառավարության նախագահ Դմիտրի Մեդվեդևը հայտարարել էր, որ քանի դեռ ռուսական հատուկ ծառայությունները չեն ներկայացրել դրա ապացույցները, նա պետք է ողջ համարվի: 

Ումարովը մասնակցել է ռուսական կողմի դեմ Առաջին և Երկրորդ չեչենական պատերազմներին: 

Բորտնիկովը նաև նշել է, որ բացահայտված են Վոլգոգրադի և Պյատիգորսկի ահաբեկչությունները, մի խումբ մարդիկ են ձերբակալվել: