Ղրիմի հայ համայնքը միասնական դիրքորոշում չունի Ղրիմը ՌԴ-ի կամ Ուկրաինայի կազմում տեսնելու հարցում

Ղրիմում լարվածությունը շարունակում է աճել: Ինքնավար հանրապետության կարգավիճակի վերաբերյալ հանրաքվեին հաշված օրեր են մնացել: Ղրիմի տարածքում բնակվող տարբեր ազգերի ներկայացուցիչների դիրքորոշումը հանրաքվեի վերաբերյալ միանշանակ չէ: Ոմանք կողմ են Ռուսաստանին միանալուն և անգամ շնորհակալ են Ռուսաստանին միջամտության համար, իսկ ոմանք պատրաստվում են բոյկոտել հանրաքվեն և ցանկանում են տեսնել Ղրիմը Ուկրաինայի կազմում:

Yerkir. am-ը փորձեց պարզել հայ համայնքի դիրքորոշումը Ղրիմում նախատեսված հանրաքվեի վերաբերյալ: Մեր հարցին՝ Ղրիմի հայերն ի՞նչ դիրքորոշում ունեն, Ուկրաինայի՞, թե՞ Ռուսաստանի կազմում են նախընտրում տեսնել Ղրիմը, հայկական համայնքի ներկայացուցիչն ասաց, որ կոնկրետ, միասնական դիրքորոշում համայնքը չունի,   «յուրաքանչյուրը կմասնակցի հանրաքվեին և կարտահայտի իր կարծիքը, այդ հարցում մեկ կարծիք չի կարող լինել»: