Հայտնի է, թե ովքեր են տարվա լավագույն դատավորները

Փետրվարի 21-ին Հայաստանի Հանրապետության դատավորների ընդհանուր ժողովի արդյունքում հրապարակվել են տարվա լավագույն դատավորների և դատարանների անունները: Ինչպես հայտնում է ՀՀ դատական դեպարտամենտի տեղեկատվական կենտրոնը, վարչական գործեր քննող 2013թ. «Տարվա լավագույն դատավոր» է ճանաչվել Կարեն Ավետիսյանը:

Քաղաքացիական գործեր քննող դատավորներից Երևան քաղաքում լավագույն արդյունք է գրանցել և Ժողովի կողմից «Տարվա լավագույն դատավոր» տիտղոսին է արժանացել Էրեբունի և Նուբարաշեն վարչական շրջանների ընդհանուր իրավասության դատարանի դատավոր Գայանե Խաչատրյանը:

Քրեական գործեր քննող դատավորներից մասնագիտական ընդունակություններով ու բարեխիղճ աշխատանքով Երևան քաղաքում աչքի է ընկել Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Գագիկ Պողոսյանը:

Լավագույն դատարանների անվանացանկում 2013-ին իրենց աշխատանքով աչքի են ընկել և «Տարվա լավագույն դատարան» են ընտրվել Էրեբունի և Նուբարաշեն վարչական շրջանների ընդհանուր իրավասության ու Գեղարքունիքի մարզի ընդհանուր իրավասության դատարանները:

Մանրամասները` այստեղ: