Այս ամսվա տհաճ անակնկալը

«Հայկական ժամանակ» թերթը գրում է.

«Այս ամիս ՀՀ քաղաքացիները կրկին տհաճ անակնկալ ապրեցին՝ ստանալով այս տարվա հունվար ամսին սպառած էլեկտրաէներգիայի հաշիվները։ Դրանցում արտացոլված  գումարն աննախադեպ մեծ է։ Ստացված հաշիվներից դժգոհ են թերեւս բոլորը։

Ըստ «ՀԷՑ»-ից մեզ տրամադրած պաշտոնական տեղեկությունների՝ այս տարվա հունվարին ՀՀ բնակչությունը սպառել է 359 մլն կվտ/ժամ էլէներգիա, ինչն անցած տարվա հունվարի ցուցանիշից մեծ է  ընդամենը 10 տոկոսով։ Բայց դրա դիմաց բնակչությունը վճարել է 13 մլրդ դրամ, ինչն անցած հունվարի ցուցանիշը գերազանցում է 40 տոկոսով։

Յուրաքանչյուր ընտանիք այս տարվա հունվարին անցածի համեմատ ավել է վճարել միջինը 5 հազար դրամ»։

Առավել մանրամասն` թերթի այսօրվա համարում: