Ասում էին` աղջիկը փոքր թող լինի, որ կրթենք. պատմում են Թուրքիայի փոքրիկ հարսները

Haberturk-ը հրատարակել է Թուրքիայում փոքր տարիքում ընտանիքի կամքով ամուսնացած երեխաների պատմությունները:

Բոլոր պատմությունները ունեն մեկ ընդհանրություն ` մանուկ հասակում ամուսնանալը: Սակայն ավելի անմարդկայինն այն է, որ երեխաներին ամուսնացնում էին իրենցից տարիքով մեծ տղամարդկանց հետ, և գուցե  դա է պատճառը, որ նրանց մեծամասնությունը դիմում է ինքնասպանության:

«15 տարեկանում ամուսնացա: Մի զարհուրելի զգացում: Ընտանիքում քեզ ինչպես դրսևորես, չգիտես: Ասում են` աղջկա տարիքը փոքր թող լինի, որ կրթենք: Ես չէի իմանում, որ տղամարդկանց մոտ պետք է ոտքի կանգնել: Դրա համար ծեծի եմ ենթարկվել: Հիմա 23 տարեկան եմ, ամուսինս մահացել է»,- պատմել է նրանցից մեկը:

«Պատուհանից նայում էի դրսում խաղացող երեխաներին: Մի անգամ ամուսինս առաջարկեց գնալ և խաղալ նրանց հետ: Նա խնամեց երեխային, իսկ ես բակում խաղացի»,- պատմել է մեկ ուրիշը:

Մեկ ուրիշն ասել է. «10 տարեկանում ինձ ամուսնացրեցին: Երբ փուռ էի գնում, երեխաները իմ հետևից գոռում էին` փոքրիկ հարս: Ձեռքերով լվացք էի անում: Սկեսուրս ինձ ծեծում էր: Մի անգամ դանակ էր մտցրել փորս ու ինձ սենյակում փակել»:

Նշենք, որ Թուրքիայում փոքր հասակում ամուսնությունների 16.9 տոկոսն իրականանում է քաղաքներում, իսկ 24.6 տոկոսը` գյուղերում: