Գալուստ Սահակյանի ամբողջ գերդաստանը միս չի ուտում

Կոկորդիլոսի մսի թեման, կարծես, դեռ չի մոռացվել, ավելին` արդեն հայտնի է, որ ներկրված կոկորդիլոսներից մեկն արդեն վաճառվել է, իսկ թե ո՞վ է գնորդը, հայտնի չէ:

Yerkir.am-ի հետ զրույցում ԱԺ ՀՀԿ խմբակցության ղեկավար Գալուստ Սահակյանն ասաց, որ այդ թեմայով հարց իրեն պետք չէ ուղղել:

-Ինչո՞ւ, վիրավորվեցի՞ք:

-Ոչ, որովհետեւ իմ ամբողջ գերդաստանը մսի նկատմամբ, ճաշակելու տեսակետից,  այդքան մոտեցումներ չունի:

-Տարօրինակ է, խոսքը բոլո՞ր տեսակի մսերի մասին է:

-Մենք շատ քիչ ենք միս օգտագործում եւ հիմնականում` տավարի միս:

-Բուսակե՞ր եք:

-Բանջարեղեններ ենք օգտագործում, սուպեր:

-Փաստորեն, ուտելու վրա շատ փող չեք ծախսում: Էժան է ձեզ վրա նստում առեւտուրը:

-Սեղանի մատչելիությունը կապված է սեղանի շուրջ նստած մարդկանցից եւ սեղանի ձեւավորումից: Այնպես որ` թանկ սեղանը չի նշանակում ճաշակելի սեղան:

-Փորձառու մարդ եք, Ձեր կարծիքով` կոկորդիլոսի միսը հայ մարդը կարող է նորմալ մարսել:

-Ես ընդհանարապես մոտ չեմ գնա, որովետեւ ես այն կուտեմ, ինչ տրադիցիոն է: