Ուկրաինան հնարավոր է չվերադարձնի 15 մլրդ դոլարի վարկը

Ռուսաստանը ցանկացած պահի կարող է պահանջել Ուկրաինայից` վերադարձնել տրամադրած վարկը: Այդ մասին հայտարարել է ՌԴ առաջին փոխարչապետ Իգոր Շուվալովը Россия 24-ի հետ զրույցում:

Փորձագետները, սակայն,  մտավախություն ունեն, որ Կիևը չի կարողանա կատարել  իր ստանձնած  պարտավորությունները և վերադարձնել Ռուսաստանին 15 մլրդ դոլարի վարկը: 

«Փորձագետների անվստահությունը միանգամայն հասկանալի է: Ուկրաինան բազմիցս հետաձգել է գազի պարտքի և այլ պարտքերի վճարման ժամկետները, և չի բացառվում, որ այս անգամ ՌԴ-ին նույնն է սպառնում»,- գրում է Московский комсомолец‎-ը:

Մյուս կողմից, ըստ թերթի, Ուկրաինայի և Ռուսաստանի միջև կնքված համաձայնագրի պայմանները դեռ գաղտնի են պահվում: Եվ բացառված չէ, որ ուկրաինական կողմը կարող էր, օրինակ, գրավ դնել պետական ակտիվները: