Զարուհի Փոստանջյանն ուրախացել է եւ հորդորում է հետ չգալ Դուբայից

ԱԺ «Ժառանգություն» խմբակցության ղեկավար Զարուհի Փոստանջյանը, ԱԺ արտահերթ նիստում ելույթ ունենալով, մեծ ուրախությամբ և ժպիտով նշեց, որ այս պահին հանրապետականները ձախողեցին քվեարկությունը, որովհետև չկարողացան այդքան մարդու կազմակերպել ու դահլիճ հրավիրել:  

«Միգուցե լավ է, որ նահանջում են: Այնպես որ` հորդորում եմ բոլոր նրանց, ովքեր քվեարկության օրը այստեղ չեն, եթե Դուբայում եք, շարունակեք ձեր հանգիստը, ճիշտ կլինի չգաք»,- հորդորեց նա:

Պատգամավորը կարծիք հայտնեց, որ գազային գործարքը խարդախություն էր, իսկ նախարար Արմեն Մովսիսյանը հանցախմբի վառ ներկայացուցիչն է, որովհետև նրա հայտարարությունները հակասում են թե' իրար, թե' իրականությանը: Նա նշեց նաեւ, որ թեեւ Մաքսային միությունը չարիք է, բայց ինքը շարունակում է լավատես մնալ: