''Բարսելոնա''-ի փոխնախագահը ֆուտբոլից ոչինչ չի հասկանում. Մեսի

Կատալոնական «Բարսելոնա»-ի արգենտինացի հարձակվող Լիոնել Մեսին հայտարարել է, որ ակումբի փոխնախագահ Խավիեր Ֆաուսը ֆուտբոլից ոչինչ չի հասկանում: 

Արգենտինացին այդ հայտարարությունն արել է այն բանից հետո, երբ Ֆաուսը  անիմաստ է համարել  6 ամիսը մեկ ֆուտբոլիստների հետ պայմանագրերը երկարացնելը:

«Ֆաուսը ոչինչ չի հասկանում ֆուտբոլից: Նա փորձում է ղեկավարել ակումբը, ինչպես բիզնես-նախագիծ, բայց դա ավելին է, քան պարզապես բիզնեսը: «Բարսելոնա»-ն աշխարհի լավագույն ակումբն է և արժանի է, որ այնտեղ աշխատեն աշխարհի լավագույն ղեկավարները»,- ասել է Մեսին:

Բացի այդ`  արգենտինացին հերքել է լուրերը, թե փորձել է իր ակումբի հետ բանակցություններ վարել նոր պայմանագրի մասին: