Հայտնի է Շանթ Հարությունյանի վերաբերյալ վերաքննիչ բողոքի քննության օրը

Դեկտեմբերի 12-ին ՀՀ վերաքննիչ դատարանում` դատավոր Ավետիսյանի նախագահությամբ, ամենայն հավանականությամբ, կքննվի նոյեմբերի 5-ին Կենտրոնում տեղի ունեցած անկարգությունների գործով կալանավորված Շանթ Հարությունյանի պաշտպան Ինեսա Պետրոսյանի բողոքի քննությունը: Այս մասին yerkir.am-ին հայտնեց պաշտպանը` նշելով, որ դեռևս պաշտոնապես չի ծանուցվել:

Փաստաբանը բողոքարկում է Կենտրոն և Նորք-Մարաշ վարչական շրջանների ընդհանուր իրավասության դատարանի` Շանթ Հարությունյանի նկատմամբ դատաբժշկական փորձաքննություն անցկացնելու`  Կենտրոն և Նորք -Մարաշ վարչական շրջանների ընդհանուր իրավասության դատարանի` նոյեմբերի 19-ի որոշումը:

Ի դեպ, պաշտպանը քիչ առաջ է տեսակցել Հարությունյանին: Պետրոսյանի խոսքով` Շանթն իրեն վստահեցրել է, որ գանգատներ չունի և իրեն լավ է զգում: