Ամոթ. երթը հասել է կառավարության շենք

ԱԺ այսօրվա արտահերթ նիստում պետք է քննարկվեր կենսաթոշակային համակարգի պարտադիր կուտակային բաղադրիչը մեկ տարով հետաձգելու որոշումը, բայց նիստը տապալվեց ՀՀԿ-ի կողմից: ԱԺ-ի մոտ հավաքված հարյուրավոր մարդիկ ԱԺ-ից երթով հասան նախ կառավարության շենքի մոտ, որտեղ ակցիայի մասնակիցները հայտարարեցին, որ «ստոպ» են ասում կուտակային կենսաթոշակային համակարգին, քանի որ կայացվել է հակասահմանադրական որոշում:

Ակցիայի մասնակիցները շեշտեցին, որ ընդդիմադիր չորս կուսակցություններ նախաձեռնել են արտահերթ նիստ, իսկ ՀՀԿ-ն փորձում է այն տապալել, ուստի իրենք պահանջում են ՀՀԿ-ականներից` ներկայանալ ԱԺ, բացատրություն տալ, կառավարությունը նույնպես պետք է պատասխան տա: Ակցիայի մասնակիցները վանկարում էին` ամոթ:

Մարդիկ այժմ շարժվում են դեպի ՀՀԿ Կենտրոնական գրասենյակ: