"Միլան"-ը Բալոտելիի համար անձնական հոգեբան է վարձել

Իտալական «Միլան»-ը որոշել է իր հարձակվող Մարիո Բալոտելիի համար անձնական հոգեբան վարձել. հայտնում է sport.rbc.ru-ն:

Նա կօգնի ֆուտբոլիստին հաղթահարել իր ագրեսիան, բացի այդ` հոգեբանը կուղեկցի Բալոտելիին հանրային միջոցառումների ժամանակ:

Իտալիայի հավաքականի հարձակվողը, ով աչքի է ընկնում իր բարդ բնավորությամբ, մեկ անգամ չէ, որ իր բռնկուն բնավորության պատճառով հայտնվել է սկանդալների կենտրոնում:

Վերջին իրադարձությունը, որը, այսպես ասած, ստիպեց իտալական ակումբին հոգեբան վարձել, եղավ այն, որ նա Աշխարհի 2014թ-ի առաջնության ընտրական փուլի ՝ Հայաստանի հետ  հանդիպումից առաջ,  փորձեց կոտրել տեսախցիկը և մի կողմ հրեց լրագրողին: