Ինձ բռնաբարել են մահվան սպառնալիքի տակ. Մադոննա

Հանրահայտ երգչուհի Մադոննան խոստովանել է, որ իր կարիերայի արշալույսին իրեն բռնաբարել են: Այդ և իր այլ փորձությունների մասին Մադոննան պատմել է Harper’s Bazaar ամսագրին:

«Նյու Յորքն այնպիսին չէր, ինչպիսին ես էի պատկերացնում: Այն ինձ գրկաբաց չընդունեց: Մեկ տարի էր, ինչ ժամանել էի և ստիպված եղա հայտնվել ատրճանակի փողի տակ: Ինձ բռնաբարեցին տան տանիքին՝ քարշ տալով և սպառնալով դանակով: Իմ բնակարան երեք անգամ գողեր են ներխուժել: Ես չգիտեմ՝ ինչու, քանի որ այն բանից հետո, երբ նրանք տարան իմ ռադիոընդունիչը, այլևս ոչ մի արժեքավոր բան չէր մնացել»,- ասել է Մադոննան:

Մադոննան 1995-ից ի վեր առաջին անգամ է խոսել իրեն բռնաբարելու մասին: Այն ժամանակ նա հայտնել էր դրա մասին՝ չբացահայտելով, սակայն, կատարվածի մանրամասները: