Ես որեւէ պարտք չեմ կուտակել. Սամվել Բալասանյան

«Ես որեւէ պարտք չեմ կուտակել. ունենք 81 մլն պարտք` նախկին քաղաքապետի օրոք կուտակված, որը կամաց-կամաց մարում ենք»,-այսօր լրագրողների հետ զրույցում նշեց Գյումրու քաղաքապետ Սամվել Բալասանյանը:

Նա տեղեկացրեց, որ, այո, քաղաքապետարանում ֆինանսական խնդիրներ էին առաջացել` նախկինում գոյացած պարտքերի հետ կապված, սակայն այդ գումարի մի մասն արդեն մարվել է:

«Պարտք ենք ասֆալտապատողներին, որոնց վճարումները պետք է կատարենք հոկտեմբեր ամսին: Վստահեցնում եմ, որ աշխատավարձերը վճարվում են օրենքով սահմանված ժամկետներում: Այժմ մեր հաշվեհամարին շուրջ 160 մլն գումար ունենք»,- ասաց Բալասանյանը:

Նա նշեց նաեւ, որ այսօր Շիրակի մարզ այցելած ՀՀ նախագահ Սերժ Սարգսյանը խոստացել է, որ 2014-ին գումար կտրամադրի` Գյումրիում ընթացող շինարարական աշխատանքներն ավարտին հասցնելու համար: