|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Աշխատանքային այցով Վիլնյուս այցելած ՀՀ արտգործնախարար Էդվարդ Նալբանդյանը սեպտեմբերի 7-ին հանդիպում է ունեցել Եվրոպական Միությունում նախագահող Լիտվայի ԱԳ նախարար Լինաս Լինկեւիչուսի հետ։
Նախարարներն անդրադարձել են Մաքսային միությանն անդամակցելու` Հայաստանի որոշմանը եւ հանգամանալից քննարկել Հայաստան - Եվրոպական Միություն հարաբերությունների հետագա զարգացումը։
Ըստ ԱԳ նախարարության տարածած հաղորդագրության՝ Էդվարդ Նալբանդյանը վերահաստատել է Հայաստանի պատրաստակամությունը` շարունակել ամենատարբեր ուղղություններով Եվրոպական Միության հետ հնարավորինս սերտ փոխգործակցությունը՝ որքանով որ ԵՄ-ի համար դա ընդունելի կլինի, եւ որը չի հակասի Մաքսային միությանը Հայաստանի անդամակցությանը։
Նախարարները համակարծիք են եղել, որ հարկավոր է առաջ մղել Հայաստան - Եվրոպական Միություն հարաբերությունները՝ հիմնվելով վերջին տարիներին համատեղ արձանագրած արդյունքների վրա։