Հազարավոր բանտարկյալներ հացադուլ են հայտարարել Կալիֆոռնիայում

ԱՄՆ Կալիֆոռնիա նահանգի քրեակատարողական հիմնարկներում մոտ 30 հազար բանտարկյալ անժամկետ հացադուլ է հայտարարել. տեղեկացնում է РИА Новости-ն: Իսկ իշխանությունները հայտարարել են, որ հացադուլին մասնակցում է ավելի քան 12 հազար մարդ:

Բանտարկյալների հիմնական պահանջն իրենց պայմանների բարելավումն է, այդ թվում` սննդի եւ վերականգնողական ծրագրերի աշխատանքի:

Լրագրողներին չեն հայտնում, թե կոնկրետ որ ՔԿՀ-ներում են բողոքի ակցիա իրականացնում բանտարկյալները: ՔԿՀ-ների դեպարտամենտի ներկայացուցիչ Դեբորա Հոֆմանը հայտարարել է, որ հացադուլը կազմակերպել են «բանտային ավազակախմբերը», որ դա դաշնային օրենքի խախտում է, եւ բոլոր մեղավորների նկատմամբ կարգապահական պատիժ կկիրառվի, այդ թվում` անհատական մեկուսացում: