Թուրքական ոստիկանությունը` դարձյալ ցուցարարների դեմ

Երեկ թուրքական ոստիկանությունը դարձյալ ցրել է մարդկանց, ովքեր ցանկացել են մտնել ստամբուլյան Գեզի այգի եւ բողոքի ակցիա կազմակերպել այգու ոչնչացման դեմ. տեղեկացնում է France-Presse գործակալությունը: Որոշ տեղեկություններով` ձերբակալվել է ցույցի` մոտ 80 մասնակից. տեղական հեռուստատեսության կադրերից երեւում է, թե ինչպես են ոստիկանները Թաքսիմ հրապարակի մոտակա փոողոցներից տանում առավել ակտիվ բողոքողներին:

Մարդկանց Իստիքլյալ պողոտայից դուրս մղելու ժամանակ, ոստիկանությունը ջրցան մեքենաներ եւ արցունքաբեր գազ է կիրառել: Մի քանի մարդ տուժել է գազից, իսկ մի անչափահաս լուրջ վնասվածքներ է ստացել, քանի որ գազային նռնակը նրա վրա է ընկել: