Կասկադին հարող փողոցում երթևեկությունը 11:00-24:00-ն դադարեցվելու է

Մայրաքաղաքի հասարակական հանգստի տարբեր վայրերում հետիոտների անվտանգ տեղաշարժն ապահովելու նպատակով որոշակի փողոցների երթևեկությունը ժամանակավոր դադարեցվելու է: Մասնավորապես` Կասկադ համալիրին հարող երթևեկելի տարածքում` Իսահակյան-Թամանյան փողոցներում, ամեն օր` ժամը 11-ից 24-ը, երթևեկությունը դադարեցվելու է: Այդ նպատակով տարածքն արդեն իսկ կահավորվել է ճանապարհային համապատասխան նշաններով. հայտնում են Երևանի քաղաքապետարանից:

Քաղաքապետ Տարոն Մարգարյանը հանձնարարել է առաջարկություններ ներկայացնել վարչական բոլոր շրջանների համապատասխան վայրերում ևս օրինակը կիրառելու և երևանցիների ու մայրաքաղաքի հյուրերի համար զբոսանքի հարմարավետ պայմաններ ստեղծելու համար: