Ուխտագնացություն` դեպի Մալաթիա

Մալաթիայում հայերից մնացած վերջին աղոթատունը կվերաբացվի հունիսի 29-ին: Այդ մասին հաղորդում է Akunq.net-ը` վկայակոչելով թուրքական «Իհլաս» լրատվական գործակալությանը: Աղբյուրի համաձայն` Մալաթիացի բարերար հայերի մշակույթի և համերաշխության միության (Malatya HAYDer) նախագահ Խոսրով Քյոլեթավիթօղլուն գրավոր հայտարարությամբ հայտնել է.

«2012 թ. փետրվարի 2-ին Մալաթիայի քաղաքապետարանի աշխատակիցների կողմից սխալմամբ լիովին քանդված Մալաթիայի հայկական գերեզմանատան մեջ գտնվող վերջին աղոթատեղիի և պահակատան շինարարությունն օրերս ավարտին կհասցվի: Մեր միության` դեպի Մալաթիա կազմակերպելիք ուխտագնացության շրջանակներում 2013 թ. հունիսի 29-ին` շաբաթ օրը, մի հոգևորականի մասնակցությամբ կկայանա հոգեհանգիստ, և աղոթատունը կբացվի»: