Գնդակահարել են Գորիսում հայտնի եղբայրների

Գորիսի շենքերից մեկի մուտքի մոտ կեսգիշերին կրակահերթ է արձակվել քաղաքում հայտնի Բուդաղյան եղբայրների ուղղությամբ: Նրանցից մեկը՝ Արտակ Բուդաղյանը, Գորիսի գնդի նախկին հրամանատարն է, ով այժմ ծառայում է ԼՂՀ ՊԲ-ում, իսկ մյուսը` Գորիսի քաղաքապետի նախկին թեկնածուն: Վերջինս մահացել է հիվանդանոցում: Գնդապետ Բուդաղյանի վիճակը մնում է ծայրահեղ ծանր:

eMedia.am -ի հետ զրույցում Գորիսի հիվանդանոցի վիրաբույժը հայտնել է, որ գնդապետ Արտակ Բուդաղյանը հունիսի 1-ի լույս 2-ի գիշերը ենթարկվել է վիրահատության: Նա ստացել է որովայնի թափանցող հրազենային վնասվածք, լյարդի պատռվածք, եղել է ներքին արյունահոսություն: Արտակ Բուդաղյանին տեղափոխել են Երեւան: 

Ոստիկանությունը դեռևս ոչ մի պաշտոնական հաղորդագրություն չի հայտնում տեղի ունեցածի առնչությամբ:

emedia.am-ի լուսանկարում Գնդապետ Արտակ Բուդաղյանն է: