Հայտնի գրողը ինքնասպան է եղել Փարիզի Աստվածամոր տաճարում

Երեկ երեկոյան Փարիզի Աստվածամոր տաճարում հարյուրավոր մարդկանց աչքի առաջ մի տղամարդ ինքնասպան է եղել: Նա մոտեցել է խորանին, վրան ինչ-որ թուղթ դրել, հանել ատրճանակը ու կրակել իր գլխին: Հետո պարզվել է, որ ինքնասպան եղողը 78-ամյա հրապարակախոս, պատմաբան Դոմինիկ Վեներն է, ով հայտնի է իր ծայրահեղ աջ հայացքներով եւ միասեռ ամուսնությունների դատապարտմամբ. տեղեկացնում է mignews.com-ը:

Խորանին թողնված գրության բովանդակությունը ոստիկանությունը չի հրապարակում, սակայն պարզվել է, որ ողբերգությունից մի քանի ժամ առաջ Վեները ինտերնետով խստորեն դատապարտել է ֆրանսիական իշխանություններին միասեռ ամուսնություններն օրինականացնելու համար:

Ի դեպ, կատավածից մի քանի ժամ անց Բաստիլի հրապարակում սկսվել է համերգ` ի պաշտպանությունը օրենքի, որը Ֆրանսիայում բուռն բանավեճերի ու փողոցային բախումների պատճառ էր դարձել: