Դի Կապրիոն եւ դե Նիրոն Քենեդիի սպանության մասին ֆիլմ են նկարահանելու

3 տարի առաջ հոլիվուդյան դերասաններ Լեոնարդո դի Կապրիոյի  Appian Way ընկերությունը հայտարարել էր, որ մտադիր է ֆիլմ նկարահանել 1963 թվականին Դալլասում տեղի ունեցած սպանության մասին, որի զոհն էր ԱՄՆ նախագահ Ջոն Քենեդին: Դի Կապրիոյի հայրը, ով մեծ ներդնում ունի ֆիլմի ստեղծման գաղափարի մեջ, հայտնել է, որ այդ նախագիծն արդեն սկսում է կյանքի կոչվել:

Նա հայտնել է Showbiz411.com-ին, որ ֆիլմի հիմքում ընկած է լինելու Հետաքննությունների դաշնային բյուրոյի իրազեկիչ Ջաք Վան Լենինգհեմի պատմությունը: Դե Նիրոն ֆիլմում կմարմնավորի մաֆիայի պարագլուխ Կարլոս Մարչելոյին, ով խոստովանել էր Լենինգհեմին, որ հենց ինքն է հրամայել սպանել Քենեդիին: 

Լեո դի Կապրիոն ճանաչում է այն գրքի հեղինակին, ով գրի է առել Լենինգհեմի պատմությունը: Իսկ ֆիլմի ռեժիսոր է լինելու աշխարհահռչակ Մարտին Սկորսեզեն: