610 հազար դոլար` Apple-ի ղեկավարի հետ սուրճ խմելու համար

Apple կորպորացիայի ղեկավար Թիմ Կուկի հետ մեկ գավաթ սուրճ խմելու հնարավորության համար անհայտ մեկը 610 հազար դոլար է վճարել: Անսովոր լոտն ամերիկյան CharityBuzz աճուրդում վաճառվել է երեկ. տեղեկացնում է ИТАР-ТАСС-ը:

Սթիվ Ջոբսի մահից հետո ընկերությունը գլխավորած Կուկի հետ հանդիպումը տեղի կունենա Apple-ի կենտրոնական գրասենյակում: Սուրճի սեղանի շուրջ զրույցը կտեւի 30 րոպեից մինչեւ 1 ժամ:

Ընդհանուր առմամբ, աճուրդում վաճառվել է 86 լոտ, որոնք ներկայացրել են Apple-ի աշխատակիցները կամ ընկերության հետ համատեղ գործունեություն ծավալած այլ ընկերություններ: Ստացված գումարները Կուկը մտադիր է  փոխանցել Ջոն Քենեդիի անվան իրավապաշտպան կենտրոնին:

Ի դեպ, անցյալ տարի նույն աճուրդի տունը վաճառքի էր հանել աշխարհի ամենահարուստ մարդկանցից մեկի` Ուորեն Բաֆետի հետ ճաշի հնարավորությունը: Անանուն գնորդը այդ նպատակով 3,4 մլրդ դոլար էր ծախսել: Բաֆետը գումարն ուղղել էր բարեգործության: