Սիրիացի ապստամբները քիմիական զենք են կիրառել. ՄԱԿ-ի հանձնաժողով

Զինված ընդդիմությունը Սիրիայում զարին քիմիական զենք է օգտագործել: Դա են վկայում ՄԱԿ-ի` Սիրիայում մարդու իրավունքների հնարավոր խախտումները հետաքննող հանձնաժողովին գազից տուժածների եւ բժիշկների ներկայացրած տվյալները: Այդ մասին երեկ իտալական RSI հեռուստաալիքին հայտնել է հանձնաժողովի անդամ, ՄԱԿ-ի `Հարավսլավիայի հարցով միջազգային տրիբունալի նախկին գլխավոր դատախազ Կարլա դել Պոնտեն. տեղեկացնում է ИТАР-ТАСС-ը:

«Ելնելով այն վկայություններից, որ մենք հավաքել են, ապստամբները քիմիական զենք են կիրառել ` զարին գազը»,- հայտարարել է նա` ընդգծելով, որ ներկայացնում է անցյալ շաբաթ հանձնաժողովի անդամների պատրաստած զեկույցի բովանդակությունը:

Ըստ նրա` իրեց հետաքննությունը դեռեւս հարկավոր է վերստուգել  լրացուցիչ վկայությունների միջոցով, սակայն տվյալ պահին պարզել են, որ միայն ընդդիմադիրներն են զարին կիրառել: