Կապրիլեսը չեղյալ է հայտարարել ընդդիմության երթը

Ընդդիմության թեկնածու Էնրիկե Կապրիլեսը, ով Վենեսուելայի նախագահական ընտրություններում պարտվել էր իշխանության ներկայացուցիչ Նիկոլաս Մադուրոյին, չեղյալ է հայատարարել ընդդիմության` այսօր նախատեսված երթը. հայտնում է Associated Press-ը:

Ակտիվիստները մտադիր էին փողոց դուրս գալ` ի նշան բողոքի ընտրությունների արդյունքների դեմ: Ավելի վաղ Մադուրոն հայտարարել էր, որ թույլ չի տա երթի անցկացումը:

Նախօրեին քաղաքական գործիչները փոխադարձ մեղադրանքներ են հնչեցրել միմյանց հասցեին: «Նա մեղավոր է մարդկային զոհերի համար, ինչի համար մենք ցավում ենք»,- ասել է Մադուրոն Կապրիլեսի մասին:

Ընդհանուր առմամբ, հետընտրական բախումների հետևանքով զոհվել է 7 մարդ: